2012年1月2日 星期一

慳家上湯

當大部份人尋晚都睇緊天與地既時候,
我呢D唔好電視劇既人做乜好呢?

而家冬天,我又鐘意食有湯既野。
但係我又唔太好即食麵果包粉,食完真係好口渴。

湯底自己煲都得架。
好簡單……

材料有雜菜

不過最緊要有紅蘿蔔、西芹、蕃茄同洋蔥,亦可以加自己鐘意既材料,另外,平時果D雞腳、雞頸、雞骨、蝦頭同蝦殼都可以加埋落去。

做法都好簡單,全部洗洗洗同切切切,水滾就放晒落去。
煲滾後,放落個真空煲度,訓醒就有上湯啦!

分開幾份,放入冰格,可以放一頭半個月。

 *不過人人口味唔同,我口味唔好太濃。

 

14 則留言:

  1. 有高壓煲仲方便呀,不過我唔敢用。真空煲煲湯煲粥都唔錯。

    回覆刪除
  2. 我諗我都學下整呢D...好過成日出去食或者食一丁...

    回覆刪除
  3. 哈哈我有真空煲喎~
    想問d湯渣都分開一盒盒定食哂先?

    回覆刪除
  4. lareheadboy:
    明火煲都得,但係要用細火,同埋要睇火。

    TY:
    係呀,健康D架。我又唔鐘意出街,用佢黎煮米粉呀通粉呀都ok架。

    回覆刪除
  5. 湯渣.....我淨係食西芹同蘑菇,蕃茄同椰菜就溶晒。其他,我唔食。

    回覆刪除
  6. 齋睇都知好美味,以前我都成日煲雜菜湯。

    真空煲好使好用,不過我果個就生繡 lu ~~~

    回覆刪除
  7. 我最鐘意佢唔駛睇火,出街同訓陣都得呀。
    妳會唔會買壓力煲呀?我唔敢用,但係好多人都話好方便呀。煮牛腩唔駛半粒鐘呀。

    回覆刪除
  8. 如果廚房重開一定會買壓力煲,而家果啲應該好安全,祖國產品就咪制。

    回覆刪除
  9. 廚房重開?廚房佢......無咩事吖嗎?

    回覆刪除
  10. 廚房荒廢左兩年幾 lu ~~~ 連樓下個石油氣掣都關埋 ~~~ 依家係魚魚專用清潔間。

    回覆刪除