2012年1月29日 星期日

我在金魚街的日子


在網上亂遊,看到這短片,魚BB尾巴短短,很小很可愛。


同時,也令我想起我量地時,在金魚街打工的日子。
舖子裡除了有很多我分辨不了的金魚,還有一種樣子像鯰魚,有觸鬚的,叫"小丑貓"希望沒有記錯,為什麼特別記得?認識這種魚的朋友就知道了。對!我被牠刺中了。感覺如何?大家一起試試看。其實,我最常負責的是清理小鼠的玻璃缸,兔子窩,補補貨,有時候也會幫客人撈魚和包裝魚。

早上回到舖子,批發魚商早已把大袋大袋的魚放在門口,一袋大概五十至一百條,視乎魚品種的大小。老闆娘會把魚袋平放,因為豎起放怕魚魚不夠氣。

工作開始,首要工作便是把小鼠缸內的糞便、舊木糠、鼠屍拿走。清潔鼠缸,必需要帶手套,因為小鼠會咬人。先把缸內的小鼠全部拿到鼠用的沖涼粉內,看着牠們在裡頭翻筋斗,真是可愛。但每當缸內或磨牙石上發現有血跡,便知道又有鼠屍了。表面看小鼠很可愛,事實上牠們也很殘忍,會把同伴吃剩頭骨。清潔完鼠缸,接下來是兔窩。

兔窩相對比較簡單,把手放進窩內,牠們會躲避,很好清理。如果發現有的不動,便可用膠袋打包了。

忙完這些,已過中午,吃過飯,便要補貨。老闆會訂一大袋貓狗兔糧回來,用微波爐再抽乾水份,重新包裝出售。說來奇怪,這些糧很好賣,每天也賣三四十包。也有時是幫忙包魚,便是把早上送來的魚分散成五至十條一袋,每袋也要打兩個結,確保不會漏氣。

週末下午人最多,也是我最怕的時間,因為老闆和老闆娘也忙的時候我要幫忙撈魚。有時是金魚,有時是食人鯧,還有其他已記不起。在舖子中央有個金魚池,大約長兩米濶一米,客人看中金魚撈不了便叫我去撈。唉!真是高估我了。撈了老半天算是撈到了,因為魚跟人也筋疲力盡了。

說到這裡,我雙手也筋疲力盡了!
謝謝各位觀看。

2012年1月17日 星期二

年尾加薪

如果今年加薪百份之八,十五個月糧,你滿意嗎?
要加多少才滿意?
不滿意會跟老闆抗議嗎?

有時候,我發覺我的同事很勇敢!


追加:
同事而家話要越級挑戰,同總公司講(抗議)。

2012年1月15日 星期日

樓層名

係囉!點解呢?

雖然有好多粗口,但係又講出左我既心聲。


大家又知唔知問題既答案呢?

懶人雞扒

又係週末,又係瞓到天昏地暗日子。睜開雙眼,太陽已經唔見左。
又係摷雪櫃,食左東東餛飩,但係今次唔講佢。因為冰格入面仲有雞扒,又勾起左我條為食筋。但係雪藏野唔醃好難食,咁醃啦!

懶人做法:

三塊雞扒先汆水。

再去肥膏同皮,
魔鬼話:但係烤雞皮好好食喎!好啦去剩一塊啦。
(為食亞妹出現。)

材料只有味霖同生抽。

唔想三塊都一樣味,剩番一塊既醃料,就係雪櫃見到乜就用乜。

跟住就要佢地係雪櫃瞓一晚。

到底好唔好食呢?
聽日先知。

2012年1月6日 星期五

早D瞓

咳到甩肺,諗住早D瞓。

唉!隻眼可唔可以朝早先睜大呢?!

2012年1月2日 星期一

慳家上湯

當大部份人尋晚都睇緊天與地既時候,
我呢D唔好電視劇既人做乜好呢?

而家冬天,我又鐘意食有湯既野。
但係我又唔太好即食麵果包粉,食完真係好口渴。

湯底自己煲都得架。
好簡單……

材料有雜菜

不過最緊要有紅蘿蔔、西芹、蕃茄同洋蔥,亦可以加自己鐘意既材料,另外,平時果D雞腳、雞頸、雞骨、蝦頭同蝦殼都可以加埋落去。

做法都好簡單,全部洗洗洗同切切切,水滾就放晒落去。
煲滾後,放落個真空煲度,訓醒就有上湯啦!

分開幾份,放入冰格,可以放一頭半個月。

 *不過人人口味唔同,我口味唔好太濃。

 

豬骨叉燒拉麵

起身個太陽己經係頭殼頂,又唔想出街,但係又肚餓。
摷雪櫃,搵到佢。

打開睇下,真係寫真喎,仲好寫實添!

跟佢指示,水滾123就放晒落去。
個樣就……咁囉。

至於,味道就…唔……
下次我會買合味道杯麵,平D仲唔駛洗煲添。